GOOGLE MAPS, ASISTENTE E TRADUCTOR DE GOOGLE DE 3º A 6º DE PRIMARIA

O alumnado traballou coas distintas ferramentas de Google. Tiveron que facer captura de pantalla da información que lles daba o mapa a través de distintas ubicacións, traducir esa información (viña en distintos idiomas) e adiviñar o nome da persoa misteriosa a través de preguntas feitas ao asistente de Google.

Estivo xenial!!!

THING TRANSLATOR E CÓDIGOS QR NO COLE

Nesta sesión, o alumnado tivo que identificar unha serie de obxectos e relacionalos co idioma no que estaban escritos na ficha que cubrían.

Para acceder a aplicación THING TRANSLATOR, tiveron que escanear un código QR e, mediante o enfoque coas tablets nas tarxetas pegadas por distintos lugares da biblioteca, buscaban o nome do mesmo en distintos idiomas, ata dar co correcto.

Gustoulles moito!!!

MÁIS MERGE CUBE NAS AULAS DE 3º A 6º DE PRIMARIA

O proxecto DigiCraft no teu cole consta de dous itinerarios. O primeiro traballa a realidade aumentada e os videoxogos. Esta sesión foi a última deste primeiro itinerario que, en resumo, foi un éxito.
O segundo itinerario, que comezaremos nas vindeiras semanas, traballará a intelixencia artificial e a robótica.

MERGE CUBE NAS AULAS DE 3º, 4º, 5º E 6º DE PRIMARIA

Aprendemos a traballar cos MERGE Cube. Tivemos que descubrir as respostas a un cuestionario empregando as aplicacións Mr. Body e Explorer. Unha vez feito isto, a aplicación permitiunos xogar cuns minixogos empregando o cubo.

Estivo xenial!!

ESPAZOS EN REALIDADE VIRTUAL DE 3º A 6º DE PRIMARIA

Nesta ocasión, cada parella agochou un obxecto no seu espazo virtual e logo de cambiar as tabletas entre eles, o xogo consistiu en atopar os obxectos agochados.

CREAMOS UN ESPAZO EN REALIDADE VIRTUAL

O alumnado de 2º, 3º, 4º, 5º e 6º de primaria crearon un espazo persoal en realidade virtual empregando a aplicación COSPACES, que inclúe escenarios e diversos obxectos.
O alumnado rexistrouse cunha conta como estudantes e, a partir dese momento, comezaron a crear os seus espazos virtuais...

PLACAS MAKEY MAKEY EN PRIMARIA

Esta semana, aprendemos a utilizar as PLACAS MAKEY MAKEY. Pintamos un labirinto con lápices 4B, conectamos os cables no sitio correspondente e, a xogar! Tiñamos que indicar a un compañeiro ou compañeira o camiño a seguir para saír do labirinto sen tocar as paredes pintadas de lapis, para que non nos pitara a placa (conectada a tablet, coa aplicación de escanear códigos QR, que daba acceso a un Scratch que nos daba os distintos sons da placa). 

Estivo xenial!

HOLOGRAMAS, PICPLAYPOST, CÓDIGOS QR E PHOTO GRID EN PRIMARIA

A sesión estivo dedicada á reprodución de hologramas. Tiveron que conseguir resolver unha serie de probas para obter a clave e abrir o kit de realidade aumentada e videoxogos e extraer del a pirámide holográfica para poder ver a imaxe en tres dimensións proxectada no aire.

Encantoulles!

COSPACES E CÓDIGOS QR NAS AULAS DE 3º A 6º DE PRIMARIA

Esta sesión  estivo destinada a concienciar ao alumnado sobre a importancia do control sobre o que publican nas redes sociais. Convertémonos en detectives e navegamos sobre un espazo virtual coa aplicación COSPACES e averiguamos moitos datos sobre unha persoa ficticia consultando únicamente as súas redes sociais.

TOONTASTIC NA AULA DE 5º DE PRIMARIA

Na sesión que traballamos a animación en 3D, dentro do Proxecto DigiCraft no teu cole, saíron algunhas creacións interesantes como estas.

APRENDEMOS SOBRE BÚSQUEDAS EN INTERNET NAS AULAS DE 3º A 6º DE PRIMARIA

Esta semana tocounos aprender sobre buscas en internet (coñecer distintos tipos de buscadores -Duck Duck Go, Bing, Ecosia, Google, uso de palabras clave, evitar artigos e preposicións, indiferencia entre o uso de maiúsculas e minúsculas...) empregando un xogo coas letras do abecedario que o alumnado creou na aula. Que ben o pasamos!

WAFTY NAS AULAS DE 3º, 4º, 5º E 6º DE PRIMARIA

Como moitos xa sabedes, o noso cole foi seleccionado para participar no proxecto DigiCraft no teu cole (coa colaboración da fundación Vodafone España, a Consellería de Educación e o AMTEGA), que ten como obxectivo principal traballar a mellora da competencia dixital e a creatividade no alumnado.

Está dirixido ao alumnado de 3º a 6º de primaria e traballaremos durante todo o curso a unha sesión semanal con cada grupo.

Aquí deixamos unhas fotos da primeira actividade (realidade aumentada coa aplicación WAFTY) que lles encantou!