O alumnado de 5º estivo traballando moitísimo sobre a proposta que lle fixo a mascota da biblioteca Paco sobre o proxecto "O mar".
Investigaron sobre as illas que conforman o Parque Nacional das Illas Atlánticas. Gravaron na radio distinta información sobre Ons, Sálvora, Cíes e Cortegada e, enlazaron esa información coas Makey Makey programando con Scratch nas maquetas que elaboraron.
Un inmenso traballo que deu un fermoso resultado.
Parabéns!
Na aula de 5º estivemos aprendendo a crear códigos QR, xa que na exposición que imos facer sobre o proxecto "O mar" temos pensado colocar ditos códigos para enlazar uns videos que fixemos coa aplicación Stop Motion.
Resultou ser máis doado do que pensabamos!
Nas últimas sesións Tic, os nenos e nenas de 3º estivemos cosendo nun retal un led ao redor do cal debuxamos o personaxe do noso libro favorito o cal se iluminaba cando pechabamos o circuito cunha batería.
Resultou moi entretido e aprendemos moito sobre costura!
Mirade que cousas fermosas saíron...
O alumnado de 1º e 2º estivemos traballando os circuitos eléctricos en papel con leds aproveitando o mes do libro.
Fixemos un circuito cun led, cobre e unha batería. A continuación debuxamos un personaxe ou algunha escena do noso libro favorito.
Quedaron moi chulos!
Que divertido aprender sobre os animais invertebrados xogando cos ratos robot e os Escornabots.
Fixemos unhas rimas na clase sobre cada animal, e logo, no xogo, un lía a rima e os demáis tiñan que levar o robot ata o animal que correspondía.
Pasámolo xenial!
Na aula de primeiro estivemos coloreando elementos relacionados cos vikingos, cargámolos na aplicación Augmented Class e, ao enfocalos coa tablet, pois fomos quen de velo en realidade aumentada!
Canto nos gustou argallar coas placas Makey Makey hoxe na aula de 5º. Tivemos que seleccionar 5 provincias no noso mapa de España e conectalas á placa con plastilina conductora e con cables cocodrilo a través de clips. Logo, programamos con Scratch na opción texto a fala o nome de cada provincia e fomos rotando polos mapas dos demáis compañeiros para ver o traballo que fixeron.
Estivo xenial!
Que divertido traballar a linguaxe de programación e o pensamento computacional cos rato robot e os Escornabot.
Na clase de 2º estamos a traballar a linguaxe de programación e o pensamento computacional empregando diverso material como son as Osmo Coding, os ratos robot e os Escornabots.
Moito nos gusta traballar con eles!
Os nenos e nenas coñeceron a aplicación QuiverMask. Pintaron as súas máscaras, pegáronnas na pizarra e, ao enfocalas coa tableta e colocarse diante delas, a máscara aparecía nas súas cabezas!
As nenas e nenos de 5º e 6º crearon un circuito de mini-golf con obstáculos e unha meta. Programaron con Scratch os diferentes sons que producirían a meta e os obstáculos en caso de tocalos coa bola de xogo e, logo de conectar as placas makey makey, xogaron.
Foi moi entretido e divertido colaborar e traballar en equipo para conseguir que as placas funcionasen.
Na sesión desta semana, o alumnado traballou sobre os distintos tipos de licenzas que teñen as imaxes, os textos e os videos que aparecen pola rede coas Spero Mini. Tamén traballamos linguaxe de programación coas Osmo Coding.
Foi moi divertido!
O alumnado de 2º descubriu o funcionamento dun chatbot, xa que nos axudou a descubrir a identidade dunha artista moi coñecida. Logo de averiguar que se trataba de Frida Kahlo, visitamos o seu museo de xeito virtual, no que buscamos os cadros e prendas de roupa que tiñamos na ficha para devolverlles a súa cor.
Gustounos moito!
Os nenos e nenas de 4º creamos un Toontastic que recolle as conclusións as que chegamos logo de buscar información sobre o Día Escolar da Paz en diversas páxinas web.
Mirade que fermosos quedaron.
Que divertido foi aprender a clasificar as distintas cartas de extreterrestres na aplicación Padlet seguindo criterios como forma, complementos, extremidades...
Nestas últimas sesións, o alumnado aprendeu sobre o funcionamento dunha intelixencia artificial que identifica debuxos. Descargaron imaxes de mazás e gatos e gardáronnas en carpetas tendo en conta os permisos e licenzas. A continuación subiron esas imaxes á aplicación Teachable Machine. O paso seguinte foi debuxar coa aplicación Kleki gatos e mazás, descargalos e subilos a aplicación Teachable Machine para que lles amosara a porcentaxe que identificaba como gato e como mazá, según as liñas debuxadas.
Estivo moi entretida e gustounos moito!
Un pracer contar con Paola Guimeráns para ensinarnos como funcionan os circuitos eléctricos e a placa Microbit.
Creamos proxectos na aplicación MakeCode que a continuación exportabamos a placa Microbit e así, viamos como se iluminaban os Led e sonaban as músicas programadas.
Grazas unha vez máis Paola!
Como nos gusta todo o que aprendemos no obradoiro con Paola Guimeráns! Traballamos coas placas Makey Makey.
Eliximos un fondo, puxemos un par de personaxes e programamos voz e movemento aos mesmos empregando as teclas do ordenador. A continuación fixemos un cómic no que escribimos un diálogo, conectamos as placas Makey Makey aos bocadillos dos cómic pintandos con lápis conductor e, ao tocar a toma terra cunha man e pechar o circuito coa outra nas distintas pinzas conectadas, escoitabamos a historia que escrita.
Encantounos!
